உலகத் திரைப்படங்களைப்பற்றி தமிழ் வலைப்பதிவுகளில் பலரும் எழுதி வருகிறார்கள் - விமர்சனங்களின் இறுக்கத்தையும் தாண்டி தனிப்பட்ட திரையனுபவங்களும் ரசனையை வளர்க்க இன்றியமையாதவை என்பதால் இந்த வலைப்பதிவு தொடங்கப்படுகிறது. இந்த வலைப்பதிவு என்னுடைய தனிப்பட்ட வலைப்பதிவாக இயங்கும்.
திரைப்படங்களைப்பற்றிப் பலரும் எழுதுவதால், எழுதப்படும் பதிவுகள் அனைத்தையும் இங்கு பதிப்பிப்பது, திரைப்படம் தொடர்பாக வாசிக்க விரும்புபவர்களுக்கு உதவிகரமாக இருக்கும் என்ற நோக்கத்தில், திரைப்படங்கள் பற்றி என் கண்ணில் படும் அனைத்து வலைப்பதிவுகளையும் இங்கே சேர்க்க உத்தேசித்திருக்கிறேன்.
1) சேர்க்க உத்தேசித்தாலும், எழுதுபவர்கள் ஆட்சேபித்தால் இங்கே இட உத்தேசமில்லை. மேலும், எழுதுபவர்களின் அசல் வலைப்பதிவுகளின் பின்னூட்டங்கள் இங்கு திசைதிருப்பப்படாமலிருக்க, இந்த வலைப்பூவில் பின்னூட்டமளிக்கும் வசதியை நீக்கியுள்ளேன்.
2) ஒவ்வொரு பதிவின் text ஐ மட்டும், குறிப்பிட்ட வலைப்பதிவுகளிலிருந்து வெட்டி இங்கே ஒட்டுவதாய் எண்ணம். அப்படி ஒட்டிப் பிரசுரிக்கப்படும் ஒவ்வொரு வலைப்பதிவின் தொடக்கத்திலும் அசல் வலைப்பதிவுக்கான சுட்டி இருக்கும். பின்னூட்டம் அளிக்க விரும்புபவர்கள், அந்த அசல் பதிவுக்குச் சென்று பின்னூட்டம் இடலாம்.
3) தமிழ்ப் படங்களைப்பற்றிப் பேசப் பலரும் இருப்பதால், தமிழ் அல்லாத பிறமொழிப் படங்கள் (இந்திய மொழிகள், அயல்நாட்டு மொழிகள்) குறித்த பதிவுகளை மட்டும் இங்கே இடுவதாய் உத்தேசம். ஒற்றை வரிப் பதிவுகள் என்றில்லாமல், சில பத்திகளாவது எழுதப்பட்டிருந்தால் மட்டுமே இங்கே இடுவதாய் உத்தேசம்.
4) அசல் பதிவின் தலைப்பு எப்படியிருப்பினும், இங்கே இடப்படும் பதிவின் தலைப்பு, படிப்போரின் வசதிக்காக ஆங்கிலத்திலும் தமிழிலும் இருக்கும். உதாரணம் - (Mouna Ragam: மௌன ராகம்)
5) எனக்குப் பிடித்த/பிடிக்காத பதிவுகள் என்பதை இங்கே ஒரு அளவுகோலாக நான் கொள்ளவில்லை. இதற்கு முன் எழுதப்பட்ட பதிவுகளிலும், இனி எழுதப்படும் பதிவுகளிலும் படிக்க நேர்வதை இங்கே இட முயல்வேன்.
6) இந்த வலைப்பூவுக்குப் பின்னூட்டமிட வசதி இராது என்பதால், இதே பதிவை எனது மற்றைய வலைப்பதிவிலும் இடுகிறேன். இதை மேலும் சீர்ப்படுத்தவோ, நன்றாகச் செய்யவோ, தேவையில்லை எனவோ கருத்துக் கூற விரும்புபவர்கள் அங்கே பின்னூட்டமிடலாம். அந்தப் பதிவுக்கும் இந்தத் தளத்தில் இணைப்புக் கொடுக்கப்படுமென்பதால், பின்வரும் நாட்களில் ஆட்சேபணைகள் இருப்பவர்களும் அங்கேயே பின்னூட்டமிட்டால், பயாஸ்கோப்பு வலைப்பூவிலுள்ள பதிவுகளை நீக்கிவிடமுடியும்.
முன்பே இதுகுறித்துப் பேசியிருப்பதால், ஆட்சேபிக்கமாட்டார் என்ற நம்பிக்கையில், நாராயணனின் ஒரு பதிவையும், எனது சில பதிவுகளையும் மாதிரிக்கு இடுகிறேன். அதன் textஐ வாசகர்கள் படிக்கமுடியுமே தவிர, அதன் சுட்டிகளை உபயோகிக்கவோ, பின்னூட்டம் இடவோ முடியாது. சுட்டிகளைத் தொடரவேண்டுமெனிலோ, பின்னூட்டம் இடவேண்டுமெனிலோ அசல் வலைப்பதிவுகளுக்குத்தான் வந்தாகவேண்டும். அந்தவகையில், பதிவுகள் வாசிக்கப்படவேண்டும் என்பதே பிரதான நோக்கம், site hit எண்ணிக்கை மட்டும் நோக்கமில்லை எனின், இது ஒரு அனுகூலமே: உங்கள் பதிவு அங்கோ இங்கோ - படிக்கப்பட வாய்ப்புள்ளது.
தனிப்பட்ட விருப்பத்தினாலும், பொது உபயோகத்துக்குச் சுலபமாக இருக்குமென்ற எண்ணத்தினாலும் மட்டுமே இதைத் தொடங்க உத்தேசம். மற்றப்படி ஒவ்வொருவருடனும் மின்னஞ்சல் மூலம் தொடர்புகொள்ள சந்தர்ப்பம் இருக்காது என்பதால், உங்களது பதிவுகளை நான் உபயோகித்திருப்பது உங்களுக்கு ஆட்சேபமெனில், எனது அசல் வலைப்பதிவின் சமீபத்தைய பதிவில் பின்னூட்டம் இடவும். மற்றப்படி, இது எந்தவிதத்திலும் யாருடனும் உரசலை ஏற்படுத்தும் என்றால், உடனுக்குடன் கடை இழுத்துச் சார்த்தப்படும் - அதுவரையிலான என் நேர விரயம் தவிர, யாருக்கும் நஷ்டமிராது.
Subscribe to:
Post Comments (Atom)
54 comments:
உரசாமல் இருக்கமுடியவில்லை; தமிழ்ப்படங்கள் உலகப்படங்கள் இல்லையா? மும்பாமுகி, சந்ரஎக்சுபிரசு எல்லாத்தினதும் விமர்சனமும் பங்காகாதா?
அப்படியாவது யாரேனும், நான் ஆரம்பிக்கிறேன் தமிழ்ப்படங்கள் பற்றிய பதிவுகளின் தொகுப்பு என்று ஆரம்பிக்கமாட்டார்களா என்ற நப்பாசைதான்! நிஜமாகவே 'உரசல்' என்கிறீர்களா? வெள்ளோட்டம்தான், தமிழ்மணத்தில் இன்னும் சேர்க்கக்கூட இல்லை. பொதுவில் சரியாகப் பட்டால் தொடர்வது, இல்லையென்றால் பிறகு பார்த்துக்கொள்ளலாமென்றுதான் விட்டுவைத்திருக்கிறேன்...
மாண்ட்ரீஸர், நான் உரக்க குரல் கொடுத்து இதை வரவேற்கிறேன். பெரிய ஒரு திட்டத்திற்கு சின்ன அடிக்கல்லாக பயாஸ்கோப்பை நிறுவியதற்கு நன்றி மாண்டீ. நாராயணனின் முன்னாடி சொன்ன ஐடியாவுக்கு பிறகு என்னுள்ளும் இந்த மாதிரி திட்டம் ஓடிக்கொண்டிருந்தது. நேரம் கிடைப்பது ஒரு கேள்விகுறி என்பது மட்டுமல்லாமல் இணையமும் எனக்கு காஸ்ட்லி. அதனால் விட்டு விட்டேன்.
அண்மைகாலமாக நிறைய க்ளாசிக் பிரெஞ்சு படங்களை பார்த்திருக்கிறேன். அடுத்த வாரம் வரிசையாக பதிகிறேன். ஒருங்கிணைப்பதில் எனக்கும் மனப்பூர்வ சம்மதமே. தேவையான உதவிகளை செய்யவும் நான் ரெடி தலீவா.
மாண்டீ தமிழ்படம் தனியாவே இருக்கட்டும். உலகப்படங்களை தொகுக்கும் போது அதை இங்கே இணைக்க வேண்டாமே.
பெரிசாக செய்ய திட்டமிடும் போது தமிழ் படங்களையும் கட்டாயம் இணைக்கலாம்.
/நிஜமாகவே 'உரசல்' என்கிறீர்களா?/
ஐய்ய்ய்ய்ய்ய்ய்ய்ய்ய்ய்யோ?
:-) விட்டுப்போச்சு பாம்பே. கடிக்காம விட்டுடு. ;-)
இது நல்ல முயற்சி அண்ணே; கிழமைக்கு எப்படியாச்சும் மூண்டு நாலெண்டு படம் தேடிப்பிடிச்சுப் பாக்கிறேன்; சிலது ரெண்டாம் மூண்டாம் நாலாம் தரங்கூட (அந்தத் 'தரம்' இல்லை; தடவைத்தரம்). இப்படியொரு ஒருங்கிய படப்பதிவு வேண்டாமென்பேனா?
முயற்சி திருவிளையாடல் ஆகட்டும்! Oops, திருவினையாகட்டும் :-).
தலீவா பக்கம் வரும் போது வரும் ஜாவாஸ்கிரிப்ட் எரரை நீக்கினால் நல்லாயிருக்கும்
//அண்மைகாலமாக நிறைய க்ளாசிக் பிரெஞ்சு படங்களை பார்த்திருக்கிறேன். அடுத்த வாரம் வரிசையாக பதிகிறேன்.//
//சிலது ரெண்டாம் மூண்டாம் நாலாம் தரங்கூட (அந்தத் 'தரம்' இல்லை; தடவைத்தரம்).//
என்னவோ நடக்கிறது. விபரம் புரியா வயசில நான் அலைபாய்கின்றேன் :-).
ஓக்கே என்ற அனைவருக்கும் நன்றிகள்.
விஜய்: அது floating topbutton ஜாவாஸ்க்ரிப்ட் - எனது கணிப்பொறியில் ஒழுங்காக வருகிறது - உங்களுக்குப் பிரச்னையாயிருக்கிறதா என்று தெரியவில்லை. அது ஒரு fancy itemதான் - ரொம்ப நச்சாயிருந்தால் எடுத்துவிடலாம் - எங்கோ பார்த்ததென்று தேடி டெம்ப்ளேட்டினுள் இணைத்தது, பிற கணிப்பொறிகளிலும் சோதித்துப் பார்த்து பின் நீக்கிவிடுகிறேன். நன்றி.
தலைவா, இது மேட்டரு. வேலை, சோம்பேறித்தனத்தினால் கொஞ்சம் இந்த மாதிரி ஒரு பதிவினை தள்ளிப் போட்டு இருந்தேன். நீங்கள் கையிலெடுத்துவிட்டீர்கள். சூப்பர். 500% ஆதரிக்கிறேன். ஆனால் சில கேள்விகள்,
இது படங்களுக்கு மட்டும்தானா - விவரணப்படங்கள், ஆவணப்படங்கள், குறும்படங்கள் எல்லாம் வருமா ?
பட விமர்சனங்களும், திரைப்படம் பற்றிய புத்தகங்களின் விமர்சனங்களும் இடப்படுமா?
தர நிர்ணயங்கள் ஏதேனும் உண்டா? உதா. ஆஸ்கார் படம், டப்பா படம், டிம் பார்டன் படம் etc.
நீங்கள் ஒருவர் தான் நிர்வகிக்க போகிறீர்களா அல்லது ஒரு குழுவாக நிர்வாகம் நடக்கப் போகிறதா?
வலைப்பதிவில் வந்த விஷயம் மட்டும்தானா, இல்லை, பிற இதழ்களில் வெளிவரும் (உயிர்மை, காலச்சுவடு, தீம்தரிகிட) படசெய்திகள், விமர்சனங்களும் இடம்பெறுமா?
இது தாண்டி, தனிப்பட்ட முறையில் பயாஸ்கோப் என்பதை விட "டூரிங் டாக்கிஸ்" அல்லது "கீற்றுக் கொட்டகை" நன்றாக இருக்குமென்று தோன்றுகிறது. இது என் தனிப்பட்ட விருப்பமே.
//இது படங்களுக்கு மட்டும்தானா - விவரணப்படங்கள், ஆவணப்படங்கள், குறும்படங்கள் எல்லாம் வருமா ?//
அவற்றையும் சேர்த்துக்கொள்ளலாம் என்றுதான் தோன்றுகிறது.
//பட விமர்சனங்களும், திரைப்படம் பற்றிய புத்தகங்களின் விமர்சனங்களும் இடப்படுமா?//
ஆமாம் என்றுதான் நினைக்கிறேன். இதுதான் என்று எதையும் தீர்மானிக்கவில்லை - அதனால், திரைப்படம் தொடர்புள்ள அனைத்தையுமே சேர்த்துக்கொள்ளலாம் என்றுதான் நினைக்கிறேன்.
//தர நிர்ணயங்கள் ஏதேனும் உண்டா? உதா. ஆஸ்கார் படம், டப்பா படம், டிம் பார்டன் படம் etc.//
தர நிர்ணயம் என்பது ஆளுக்காள் வேறுபடும் என்பதால் எதையும் சேர்த்துக்கொள்ளலாம் என்றுதான் நினைக்கிறேன். பதிவில் சொல்லியதுபோல், ஒன்றிரண்டு வரிகள், ஒரேயொரு சுருக்கமான பத்தி என்று இருந்தால் மட்டும் விட்டுவிடலாமென்று நினைக்கிறேன்.
//நீங்கள் ஒருவர் தான் நிர்வகிக்க போகிறீர்களா அல்லது ஒரு குழுவாக நிர்வாகம் நடக்கப் போகிறதா?//
'நிர்வகிக்க' என்பது பெரிய வார்த்தை! ;-) பொழுதுபோகாத நேரத்தில் வெட்டி ஒட்டும் வேலைதான் என்பதால், தற்போதைக்கு நான் மட்டுமே செய்வதாக உத்தேசம். ஒருவேளை நான் சில பதிவுகளைத் தவறவிட்டிருப்பின், இதே பதிவில் பின்னூட்டமாகக் குறிப்பிட்டு வந்தால், அவற்றையும் இணைக்கிறேன். yarl.net, காசி, வெங்கட்டின் வலைப்பதிவுகள் போல category based sorting செய்ய எனக்கேதும் தெரியாததால், வெறும் சுட்டிகள் மட்டும்தான் இருக்கும். இதை ஒரு முதன்மையான வலைப்பதிவாகப் பாராமல், முதல் வரியை மட்டும் பார்த்துவிட்டு, நேரடியாக அந்தந்த வலைப்பதிவுக்குப் போய்விடுவார்களென்றுதான் தோன்றுகிறது. அப்படி இருப்பதும்தான் நல்லது. இன்னும் மேம்பட்ட முறையில் யாரேனும் வடிவமைக்க முடிந்தால் நல்லது.
//வலைப்பதிவில் வந்த விஷயம் மட்டும்தானா, இல்லை, பிற இதழ்களில் வெளிவரும் (உயிர்மை, காலச்சுவடு, தீம்தரிகிட) படசெய்திகள், விமர்சனங்களும் இடம்பெறுமா?//
எனக்குத் தெரியவில்லை? உங்கள் அபிப்ராயம் என்ன?
இது தாண்டி, தனிப்பட்ட முறையில் பயாஸ்கோப் என்பதை விட "டூரிங் டாக்கிஸ்" அல்லது "கீற்றுக் கொட்டகை" நன்றாக இருக்குமென்று தோன்றுகிறது. இது என் தனிப்பட்ட விருப்பமே.
பயாஸ்கோப் என்பது படத்தைக் காண்பிக்கும் எந்திரம் என்பதால் அதை வைத்தேன். மேலும், அவசரகதியில் வைத்த பெயர்தான் - சரிப்பட்டு வரவில்லையெனில் மாற்றிவிடலாம்...
மேலும், இது ஒரு முயற்சி மட்டுமே. இன்னும் நேர்த்தியாக யாரேனும் செய்வார்களாயின் அவர்களுக்கு என் முழு ஒத்துழைப்பும் உண்டு, இந்த வலைப்பதிவையும் அத்தோடு இணைத்துவிடலாம்...
ரொம்ப நல்ல வேலை மாண்டி!
இன்னிக்குத்தான் இருபத்தி நான்கு மணி நேரம் திறந்திருக்கிற, ஆறு மணி நேரம் வச்சிருந்தா ஒரு டாலர் வசூலிக்கிற டிவிடி கடை பார்த்துட்டு
La Mala Educaciந்n
வந்ததும் எனக்கு ஒரு காப்பின்னு சொல்லிட்டு வந்திருக்கேன். எல்லாரும் அசத்துங்க! படிச்சுப் பிடிச்சிருந்தா படம் பார்க்க நான் ரெடி!
கீத்துக் கொட்டாயில் மண் குவித்துக்கொண்டே,
மதி
La Mala Educacion சில நாட்களுக்கு முன்புதான் பார்த்தேன்...
/இல்லை, பிற இதழ்களில் வெளிவரும் (உயிர்மை, காலச்சுவடு, தீம்தரிகிட) படசெய்திகள், விமர்சனங்களும் இடம்பெறுமா?/
வேண்டாம் வேண்டாம் வேண்டாம்; இணையத்துக்குச் சுயம் வேண்டும்; பிறரின் சுயத்தினைத் தனதென்று கொள்ளவும் வேண்டாம்; தனது சுயத்தினைப் பிறரது என்று தாரை வார்த்துக்கொடுக்கும் அவநிலையும் வேண்டாம். பதிப்புலகுக்கு ஆகமுடியாதவற்றைச் செய்து காட்டுவதாக இணையம் இருக்கவேண்டும்; இல்லாவிட்டால், ஜெயமோகன் தொடங்கி இன்ன பிற தீவிர அதிதீவிரவ்விமர்சகர்களின் கிண்டல்களையும் குத்தல்களையும் நியாயப்படுத்துவதாக இருந்துவிடும். இஃது என் தனிப்பட்ட கருத்து; மீண்டும், பார்க்கும் படங்களிலே தேர்ந்த சில குறித்து சலனம் பதிவிலே எழுதும் எண்ணத்தினை மாண்ட்ரீஸரின் புதுப்பதிவு எனக்குத் தந்தது. நான் எழுதுவது தலையிலே வைக்கிற தரமானதோ தரையிலே மிதிக்கப்படவேண்டியதோ பதிப்புலகின் சில பெருந்தகைகளினது அவர்தம் வால்களினதும் இணையம் குறித்த திமிர்த்தனமான கருத்துகளின் பின்னர் அவர்களின் மூலமான இணைப்போடான எந்தப்பதிவிலும் சங்காத்தம் கொள்வதில்லை என்று விருப்பம்/சங்கற்பம். அப்படியாக, அவர்களையும் ஆட்டத்திலே சேர்த்துக்கொண்டால், தொட்டாச்சிணுங்கி என்னை விட்டுவிடுங்கோ :-)
இது பாம்பின் விருப்பிலே தோன்றிய பதிவு; பயாஸ்கோப் அவர் விருப்பம்; ஆனால், என் விருப்பம் கீற்றுக்கொட்டகைதான். பயாஸ்கோப் என்று வைக்கப்பயந்து கொண்டு கீற்றுக்கொட்டகை என்று வைக்கிறார் என்று யாராவது சொல்லிவிடுவார்களென்றால், த்ருஷ்டி என்று வைத்துக்கொள்ளாலாமே? ;-)
//இணையத்துக்குச் சுயம் வேண்டும்; பிறரின் சுயத்தினைத் தனதென்று கொள்ளவும் வேண்டாம்; தனது சுயத்தினைப் பிறரது என்று தாரை வார்த்துக்கொடுக்கும் அவநிலையும் வேண்டாம்.//
சரியென்றுதான் எனக்கும் படுகிறது... வலைப்பதிவில் முதன்முறையாக எழுதப்பட்டது மட்டுமே சேர்த்துக்கொள்ளலாம், வேறெங்கோ பிரசுரமாகிப் பின் வலைப்பதிவில் மறுபிரசுரம் செய்யப்பட்டதை விட்டுவிடலாம்.
கீத்துக்கொட்டாய், டூரிங் டாக்கீஸ், பயாஸ்கோப் மூன்றில் ஏதோவொன்றை இந்த வாரக் கடைசியில் நிரந்தரமாக்கிவிடலாம்.
Categories would be a good idea.
Dont know when blogger would introduce that feature.
Wordpress has very simple category system.
Montressor, if you are interested then we could get one in
http://weblogs.us
If you need any help, I could help you with Wordpress initially to setup things.
மாண்டி மாண்டி என்னையும் சேர்த்துக்கொள்ளுங்கோ.ஏதோ நீங்கள் விஜய் நரைன் பெயரிலியென்று அறிமுகப்படுத்த கொஞ்சம் கொஞ்சமாய்ப் பிறமொழிப்படங்கள் பார்க்க ஆரம்பித்திருக்கிறேன்.முன்பெல்லாம் படம் ஆரம்பித்து பத்து நிமிடம் போனபின்புதான் இது ஏற்கனவே பார்த்த படம் என்று புரிந்துகொள்ளும் நிலையிலிருந்தேன் இப்போது ஆரம்பித்து ஓரிரு நிமிடத்தில் அடையாளம் காணுமளவு வளர்ந்துவிட்டேன்.உங்கள் பதிவு வாழ்க வளர்க.
குறும்படங்கள் பற்றிய எனது பதிவில் எதுவும் நன்றாக இருந்தால் தாராளமாகப் பயன்படுத்தலாம்.உங்கள் ஊக்கத்தில் நானும் அந்தப் பதிவை மேம்படுத்த முயல்கிறேன்
மாண்ட்ரீ, நல்ல முயற்சி. வாழ்த்துக்கள்!
அய்யயோ எனக்கு பயாஸ்கோப் தான் பிடிச்சிருக்கு. பழமையான படம் காட்டும் கருவி. உலகெங்கிலும் தெரியும். கீற்றுக்கொட்டகை, டூரிங் டாக்கீஸ் லோக்கலைஸ்டு பெயர்கள். லோக்கலாக உலக திரைப்படத்தை பற்றி பதிவதால் அந்த பெயர்கள் கூட வெகு பொருத்தமாக இருக்கும். இருந்தாலும் பயஸ்கோப் சூப்பர். ஆனாலும் எந்த பெயர் வைத்தாலும் எனக்கு ஓகே.
முதல்ல ஓட்டு போடுங்கய்யா.. எவ்வளோ முக்கியமான விஷயத்தை நம்மாளு பேசறாரு, இங்க நம்ம எல்லாரும் எழுதற வேகத்துல இன்னும் 1 மணி நேரத்துல இது தமிழ்மணம் பக்கத்திலிருந்து காணாம போயிடும். ஓட்டுப் போட்டு மேலக் கொண்டாங்கய்ய்யா...
இணையத்திற்கு சுயம் வேண்டும் என்பதை முழுவதுமாக ஒத்துக் கொள்கிறேன். அதே சமயத்தில், இங்கே சென்னையில் நான் வாங்கி படிக்கும் நிழல், கனவு போன்ற சிறுப்பத்திரிக்கைகள், உள்ளூர் குறும்படங்களையும், உலகப் படங்களையும் பற்றி எழுதுகின்றன. இதை ஒரு வலைப்பதிவாக மட்டும் பாராமல், தமிழில், உலக சினிமாக்களில் பார்க்கப்படும், பகிரப்படும் பதிவாக இருக்கவேண்டும் என்கிறது உள் மனசு. யாருக்கு தெரியும், எங்கேயாவது திருநெல்வேலிக்குள்ளே 40 மைல் தாண்டி, எடுக்கப்பட்ட படம் உலக அளவில் பேசப்படலாம். அதனால், அதை விட்டுவிட வேண்டாம் என்பது தான் என் பார்வை.
மற்ற படி, மாண்டீ, மதி சொல்வது நல்ல யோசனை, கொஞ்சம் டிங்கரிங் வேலை செய்தால், பகுதிகளாக பிரித்து விடலாம். அது பின்னாளில், பதிவுகள் சேரும்போது உபயோகமாக இருக்கும்.
நீங்கள் காப்பி+பேஸ்ட் செய்வதாக சொன்னதற்கு நன்றி. ஆனால், தெளிவாக ஒரு மின்னஞ்சல் முகவரியை போட்டு விடுங்கள். யார் வேண்டுமானாலும், தகுந்த சுட்டியோடு அம்மின்னஞ்சலுக்கு பதிவின் சுட்டியினை அனுப்பி விடலாம். நீங்கள் கேப்பசினோ குடிக்கும் நேரத்தில் ctrl+c -> ctrl+v முடிஞ்சது கதை.
மற்றப்படி, மக்களே வோட் பார் கீற்றுக் கொட்டகை ;-)
//இதை ஒரு வலைப்பதிவாக மட்டும் பாராமல், தமிழில், உலக சினிமாக்களில் பார்க்கப்படும்//
ஒத்துக்கொள்கிறேன். டைப் பண்ணி போட முடிந்தால்... இல்லையென்றால் பொன்விழியை பயன்படுத்தினால்.... ஒரு பதிவாக ஆரம்பித்து தண்ணீர்(சினிமா) ஊற்றி பெரிதாக வளர்ப்போமே.
மாண்ட், பயஸ்கோப்பையும் தமிழ்மணத்தில் சேருங்கள், இன்னும் செய்யாவிடில்! (நாந்தான் பார்க்கவில்லையெனில் மன்னிக்கவும்.)
/எனக்கு பயாஸ்கோப் தான் பிடிச்சிருக்கு. உலகெங்கிலும் தெரியும்./
விட்டா, போகிற போக்கிலே, தொலைக்காட்சிபட அலசுதலுக்கென்று ஒரு பதிவு தொடங்கினால், kinescope என்று வைத்தாலும் வைத்துவிடுவீர்கள்போலிருக்கிறதே. ;-)
/பழமையான படம் காட்டும் கருவி./
அப்படியென்றால், kinetoscope மெய்யாகவே நல்ல ரீல்காட்டும் கருவி (ஏற்கனவே மஜீக் லன்றேன் என்று ஒரு நாடகக்குழு பெயரை வைத்துவிட்டதால் ;-))
(பழைய சலனம் உட்பட) நிழல், கனவு ஆகியவை சிறப்பான திரைப்படப்பதிவுகளுக்கானவைதான். அவற்றினை மறுப்பதற்கில்லை. ஆனால், அவர்களின் பதிப்புரிமையை மதிக்கவேண்டும் என்று நினைக்கிறேன் (இணையத்திலே வருகின்றவற்றினை பதிப்பிலே வருகின்றவர்கள் ஏற்கவேண்டுமென்றால், இஃது அவசியமென்று தோன்றுகிறது). முழுதாக இச்சஞ்சிகைகளிலே வரும் கட்டுரைகளை/பட விமர்சனங்களை வெளியிடாமல், அச்சஞ்சிகைகளின் இதழ்களை அலசலாமல்லவா? ஏதோ பட்டது; சொன்னேன்; தவறாக எண்ணக்கூடாது. பதிப்புச்சஞ்சிகைகள், பத்திரிகைகள் நடத்துகின்றவர்கள் இணையத்திலே எழுதுகின்றவர்களை மிகவும் தாழ்ந்த நிலையிலே எண்ணிக்கொண்டு கிணற்றுக்குள்ளே தாவிக்கொண்டிருக்கின்றார்கள் என்பது என் கருத்து (நிழல் திருநாவுக்கரசு, விசுவாமித்திரன், தியோடர் பாஸ்கரன், அம்சன்குமார் ஆகிய திரைப்படப்பார்வை உள்ளவர்கள் குறித்தானது அல்ல என் கருத்து).
விருமாண்டி...இது ஒரு நல்ல முயற்சி...
தமிழ்ப் படங்கள் கிடையாதா?... ம்ப்ச்ச்....(: அப்ப சும்மா வேடிக்கை மட்டுந்தான் பாக்க வேணும்.....
//தமிழ்ப் படங்களைப்பற்றிப் பேசப் பலரும் இருப்பதால்,//
அது சரி....
//தவறாக எண்ணக்கூடாது. பதிப்புச்சஞ்சிகைகள், பத்திரிகைகள் நடத்துகின்றவர்கள் இணையத்திலே எழுதுகின்றவர்களை மிகவும் தாழ்ந்த நிலையிலே எண்ணிக்கொண்டு கிணற்றுக்குள்ளே தாவிக்கொண்டிருக்கின்றார்கள் என்பது என் கருத்து//
நூற்றுக்கு நூறு உண்மை. பிடியுங்கள் இதோ, பொற்கிழி
/நூற்றுக்கு நூறு உண்மை. பிடியுங்கள் இதோ, பொற்கிழி/
தமிழே நமக்குத் தண்ணீரிலே தாமரைப்பூவாத் தள்ளாடுது அலைகளிலே; இதுக்குள்ளை மாத்தாடு மாத்தாடு கன்னட மல்லிகேயா? நல்லா வருது வாயிலை; பொற்கிழி இல்லை, பச்சைக்கிளியில்லை ஒரே போடாய் நாராய் நாராய் செங்கால் நாராயெண்டே கிழித்ததேவிடுவேன். ;-)
Gr8 Effort ...Kudos!
Will love 2 participate in this forum.
- Love,Arun Vaidyanathan
Go ahead.Its great feeling.All the best
ஏன்றீ ஹெசரில்லாதவரே, நம்மவரு ராஜா அல்லி கோகிலா காலதிந்தே எஷ்டு சக்காப்பட்ட ஹாடுகளு கொட்டிதாரே கொத்தா? இந்தியா பன்னி, சிக்கமகளூரு தோர்ஸ்தீனி, ஆமேலே கேளி. பிரகாஷவரே இஷ்டு தினகளு ஹுடுக்குத்தாயித்தே. ஒள்ளே தேங்ஸ்ஸுரீ.
மாண்ட்ரீஸார், நல்ல வேலை. நன்றி.
[நாசமா போக, அதுக்குள்ள 33 கமண்ட்ஸா ; ராத்திரி எதுவும் தூங்கலையா? என்னையா செய்றீங்க]
மாண்ட்ரீசர்,
நல்ல யோசனை, நீங்கள் பெற்றதை நாங்களும்ம் பெற்று இன்புறுவோம். நாங்கள் பெற்றதை நீங்களும் பெற்று துன்புறுவீர். சிற்றிதழ் பற்றி பெயரிலி சொல்வதை ஏற்றுக்கொள்கிறேன். திருவிளையாடல் தொடங்கட்டும்.
//தமிழே நமக்குத் தண்ணீரிலே தாமரைப்பூவாத் தள்ளாடுது அலைகளிலே; இதுக்குள்ளை மாத்தாடு மாத்தாடு கன்னட மல்லிகேயா?//
இதுவும் சரிதான். ஆரம்பத்திலேயே , திசைமாறவேண்டாம். ஒரு பத்து கன்னட/தமிழ் வலைப்பதிவர்கள் வந்தபின் செய்தால் அதுவும் வெற்றி பெறும். இப்ப எல்லாம் இங்கிலீ'பிசு க்கு தூண்டில் போடுவோம்.
thanks arul, atleast you liked it
நல்ல வேலை மாண்ட்ரீஸர். உங்களின் உதவியோடு நானும் கையோடு கனடாவில் ஒரு பக்கமாய் பிஸினஸ் ஆரம்பிக்கலாம் எண்டு யோசிக்கிறன். முக்கியமான உலகப்படங்ளைத் தேடிப்பிடிச்சு வாடகைக்கு எடுத்து வீட்டில் கொண்டு வந்து பேர்ண் பண்ணி ஒரு கெலெக்ஷன் போடத் தொடங்கி விட்டேன். புளொக் மெப்பேர்ஸ் யாராவது பார்க்க விரும்பினால் கறுப்பி டிவிடி ரென்ரலுடன் தொடர்பு கொண்டு பணம் கொடுத்துப் பெற்றுக் கொள்ளலாம்.
ஆங்கிலத் திரைப்படங்கள் பற்றித் தமிழில் விமர்சனங்கள், பார்வைகள், குறிப்புகள் என்று பெரிதாக டைட்டில் போடலாம் என்று ஒரு எண்ணம், வாசகர் ப்ரெண்ட்லினெஸ் -க்கு.
பெரிதாக எழுத நினைத்து , சுமாராக எழுதினது (அல்லது அதுக்கும் கீழே)
http://karthikramas.blogspot.com/2005/01/blog-post_14.html
நிறையப் பேர் பின்னூட்டமிட்டிருப்பதால், அனைவருக்கும் என் நன்றிகள்.
//Users would have level 0 or 1.
The posts have to be approved by the admin - Montressor.
This way, his time would not be taken up that much. And controversy could be avoided.
yaarum, 'aiyO aiyO ennOda pathivu pOchaennu alaRa maattaanga. ;) //
மதி, உதவி குறித்த தகவல்களுக்கு நன்றி. இந்த ஆர்வம் எத்தனை நாட்களுக்கு அனைவருக்கும் (நான் உட்பட) இருக்கிறதென்பதைப் பார்த்து Weblogs.us மாதிரியான வகைபிரிக்கமுடியும் பதிவுகளைத் தொடங்கலாமென்று நினைக்கிறேன் - அதுவரை, இது ஓடும் போக்கில் ஓடிக்கொண்டிருக்கட்டும். பதிவுகளை நான் approve செய்யவேண்டுமென்பதே ஒரு சங்கடம் தான்! நேரத்துக்காக இல்லாவிட்டாலும். என்னால் முடிந்தளவு பதிவுகளைச் சேர்த்து வருகிறேன்: பின்பு யாரேனும் வகைபிரிக்கும் பதிவுகளை ஆரம்பித்தாலும் இங்கே உள்ள பதிவுகளுக்கான சுட்டிகளை உபயோகித்துப் பெருமளவு பதிவுகளைத் திரட்டலாமென்று நினைக்கிறேன். இத்தனை பின்னூட்டங்கள் வருமென்று நானே எதிர்பார்க்காததால், சற்று பேஸ்த்தடித்துவிட்டது! ஏதோ hyped ஆகிவிடாமல், இப்போதைக்குப் பொதுவாக கண்ணில் படும் பதிவுகளைப் போட்டுக்கொண்டிருக்கிறேன், பிறகு வருவதைப் பிறகு பார்க்கலாம். முன்பே கூறியதுபோல், வேறு யாரேனும் முழுதாக ஒரு வகைபிரிக்கும் வலைப்பதிவு உருவாக்கினால், என்னுடைய பதிவுகளை எந்தத் தயக்கமுமின்றி உபயோகித்துக்கொள்ளலாம்.
பாவனையின்றி வெளிப்படும் தனிமனிதத் திரையனுபவங்களைத் தொகுக்கலாம் என்றுதான் இதைத் தொடங்கியது. வெறுமனே ஒரு தொகுப்பு என்ற ரீதியில் மட்டும் இருந்தாலே போதும் என்று நினைக்கிறேன் - அதனால்தான் அவ்வலைப்பதிவில் பின்னூட்டங்களை அனுமதிக்கவில்லை. ஊக்கம், முக்கியத்துவமெல்லாம் அந்தந்த தனிப்பட்ட வலைப்பதிவுகளுக்குக் கிடைத்தாலே நல்லது. சில வாரங்கள் வண்டி ஓடட்டும் - போகிற போக்கைவைத்துப் பிறகு பார்த்துக்கொள்ளலாம்.
மற்றொரு உபாயம்: நாராயண், textஐ ஒட்டுவதைவிட, ஃபயர்ஃபாக்ஸில் view page source உபயோகப்படுத்தி, பிற வலைப்பதிவுகளைப் படங்களோடும், சுட்டிகளோடுமே சுலபமாக ஒட்டிவிடமுடிகிறது - இன்னும் வண்ணமயமாக இருக்கிறது!! எனவே, மின்னஞ்சலுக்குப் பதிவுகளை அனுப்புவதைவிட, அவரவர் பதிவில் இடட்டும், பிறகு இங்கே ஒட்டிவிடலாம். Overlapஐத் தவிர்க்க, பதிக்கப்பட்டுக் குறைந்தபட்சம் ஒரு வாரமாவது கழிந்தபின்தான் இங்கே ஒட்டுவதென்று நினைத்திருக்கிறேன் - தானாகக் கேட்டுக்கொண்டால் தவிர.
நான் இன்னைக்குத்தான் இதல்லாம் பார்த்தேன். நல்ல முயற்சி மாண்டி!
நடக்கட்டும். எனக்கும் உங்க சினிமா விமர்சனம் படிக்கும் போது நிறைய படம் பார்க்கனும்னு தோணும். ஆனா இந்த சந்திரமுகி-மாதிரி படுத்துறதெல்லாம் என்னை ஒரு மாதிரி மொத்த சினிமாவுக்கே விரோதமாக்கிடுச்சோன்னு தெரியல.
ஆனா இப்ப தமிழ் படம் மட்டும் வேண்டாம். இது என்னோட வேண்டுகோள்.
நல்ல வேலை!
மாண்ட்ரீஸர்,
வந்தது கொஞ்சம் லேட் தான். உருப்படியான முயற்சி. அப்படியே இந்த மொழிபெயர்ப்புச் சமாச்சாரங்களையும் தனியாக ஆவணப்படுத்த முடியுமா என்று பாருங்களேன். முடியாவிட்டால் யாரையாவது பிடித்து அவர்கள் தலையில் கட்டமுடியுமா என்பதையும் யோசிக்கலாம் (தீபக் மாதிரி ஆட்கள் சிக்குவார்களா?).
மாண்டி - அருமையான ஐடியா.
என்னால் ஏதாவது செய்ய முடிந்தால் சந்தோஷப்படுவேன். இதுபோன்ற முயற்சிகளை இலவச இடத்தில் போடுவதைவிட ஏதாவது ஒரு சொந்த இடத்தில் போட்டால் நாளைக்கு ஆவணப்படுத்த வசதியாக இருக்கும். எனவே, உங்களுக்குச் சரி என்றால் என்னுடைய தளத்தில் வலைக்குறிப்பை உருவாக்கித் தருகிறேன்.
கூடுதல் வசதி - நீங்கள் சொன்னதுபோல் வகை பிரிக்கலாம். (பிரெஞ்சு, ஆவணம், குறும்படம்,...). இன்னொரு வசதி, படங்கள் போடுவது (தேவையானால் முழுக்குறும்படத்தையும்தான்). தினசரி backup வசதியும் உண்டு.
இது உதவும் என்றால் எனக்குத் தெரியப்படுத்துங்கள். மகிழ்ச்சியடைவேன்.
மறுபடியும், மறுமொழி இட்ட அனைவருக்கும் நன்றி: வெங்கட் - உதவி குறித்த உங்கள் தகவலுக்கும் நன்றி; சிறிது நாள் எப்படிப் போகிறதென்று பார்த்தபின்பு, மேற்கொண்டு வகைபிரிக்கும் பதிவுகளாகப் போடமுடியுமா என்று பார்க்கலாம் என்று நினைக்கிறேன்.
Kudos to your good effort. There are some articles (not exactly blogposts) in this link . A *lot* of them were written by Mathy.
Can this be included in the Tamil Bioscope blog ?.
சந்தோஷ்; தகவலுக்கு மிக்க நன்றி. பெரும்பாலான விமர்சனங்களை இந்த வாரத்தில் சேர்த்துவிடுகிறேன். மதியின் அனைத்து விமர்சனங்களையும் சேர்த்துவிடலாம்.
Santhosh, on second thought, I'd rather place it as a link in the sidebar, as they by themselves are articles published in a different website. Although I don't anticipate any problem, it'd be convenient this way. Thank you very much for the information, anyway...
மாண்டீ,
இதுவரை விமர்சனம் எழுதபட்டுள்ள படங்களின் தொகுப்புகள் என்று அந்த வலைப்பதிவில் இணைக்கமுடியுமா...??
காட்டாக. sideways படத்துக்கு விமர்சனம் இருக்கிறதா என்று அங்கே தெடும்போது மண்டை காய்ந்து விட்டது.
ஒரு search (option) button கொடுங்களேன்...
மூக்கன்,
நியாயம்தான், குறிப்பிட்ட படத்தைத் தேட ஒரு பெட்டி இருப்பின் நன்றாகத்தான் இருக்கும். எனக்குத் தெரிந்து வலையில் கிடைத்த search பெட்டிகளையெல்லாம் சோதித்துப் பார்த்தேன், ப்ளாகரில் ஒழுங்காக இயங்கமாட்டேனென்கிறது. தமிழோவியம், weblogs.us போன்றவற்றிலுள்ள search boxes நன்றாக வேலைசெய்கி்ன்றன - மறுபடி தேடிப் பார்க்கிறேன் ப்ளாகருக்குள் தேட ஏதாவது கிடைக்குமா என்று...
தகவலுக்கு: Sideways விமர்சனம் இன்னும் யாரும் எழுதவில்லை என்றுதான் நினைக்கிறேன்...
மாண்ட்ரீஸர்,
சந்தோஷ் குரு கொடுத்த மதியினது திரைபார்வைகளுக்கு---> முழுமையாகப் பார்க்க இங்கே நீங்கள் செல்லலாம்...
http://mathy.kandasamy.net/movietalk/
நன்றி.
....
அத்தோடு எனது வாக்கை 'கீற்றுக்கொட்டகை'க்கு அளித்தும் விடுகின்றேன் :-).
தமிழ்பாம்பு,
உங்களுடைய ஈமெயில் முகவரியை வலைப்பதிவில் எங்காவது குறிப்பிட்டு வையுங்கள்.
உங்கள் email id ஐ sundar23@yahoo.com க்கு அனுப்ப இயலுமா..??
For searches using english words, technorati box is pretty useful. (Technorati fails miserably with tamil words)
Here are my reviews... (most of it is on pop(ular) movies ;-)
http://etamil.blogspot.com/2004_03_01_etamil_archive.html#107834690809515409 - The Pianist
http://etamil.blogspot.com/2004_05_01_etamil_archive.html#108527035281591352 - Sliding Doors
http://etamil.blogspot.com/2004_06_01_etamil_archive.html#108808786475681611 - Mulholland Falls
http://etamil.blogspot.com/2004_07_01_etamil_archive.html#108993084154638153 - The Cider House Rules
http://etamil.blogspot.com/2004_07_01_etamil_archive.html#108869701016871154 - A Beautiful Mind
http://etamil.blogspot.com/2004/09/2.html - Hyderabad Blues 2
http://www.tamiloviam.com/unicode/11180408.asp - Incredibles
http://etamil.blogspot.com/2004/12/blog-post_110283261476834053.html - National Treasure
http://etamil.blogspot.com/2004/12/blog-post_110283066608578651.html - Oceans Twelve
http://etamil.blogspot.com/2004/12/blog-post_11.html - The Polar Express
here are Mine. Post these with past dates , if you like'em.
http://mynose.blogspot.com/2004/03/sea-biscuit.html
http://mynose.blogspot.com/2004/03/blog-post_09.html - lost in transalation
http://mynose.blogspot.com/2004/06/blog-post.html
http://mynose.blogspot.com/2004/09/blog-post_12.html
http://mynose.blogspot.com/2004/10/flavours.html
http://mynose.blogspot.com/2004/10/blog-post_10.html
http://mynose.blogspot.com/2004/12/around-world-in-80-days.html
http://mynose.blogspot.com/2005/01/blog-post_110668150442519340.html
பாலா, சுந்தர் - மிக்க நன்றி - இதில் பெரும்பாலான பதிவுகளையெல்லாம் கவனிக்கத் தவறிவிட்டேன்; இவற்றையும் விரைவில் சேர்த்துவிடுகிறேன். உங்களுக்குத் தெரிந்து பிறரது சுட்டிகளும் இருந்தாலும் இங்கேயே பதிவிடுக. மறுபடியும், மிக்க நன்றி.
I have been looking for sites like this for a long time. Thank you! Charleston sc cosmetic surgeons http://www.hertz-car-rental-6.info/Discount-car-rental-colorado.html Instep ez strider single jogging stroller Europe and car rental hunting and fishing license rental cars in preston Fat blockers for weight loss Dean health plan lose weight Free anti virus house call Suv rental specials Enterprise national car rental Truck rental in westville nj new jersey
Post a Comment